चांगल्या पगाराची, चांगल्या पदाची असलेली इंजिनिअरिंग कॉलेज मधील नोकरी सोडून, प्रचंड मोठी risk घेऊन महाराष्ट्रातील विद्यार्थ्यांसाठी काहीतरी विशेष सखोल ज्ञान मिळावे ह्या उदात्त हेतूने ज्ञानदा प्रकाशनचे काम सुरु केले. 2015 ते 2018 ह्या चार वर्षामध्ये डिप्लोमा इंजिनिअरिंग च्या वेगवेगळ्या शाखांमधील एकुण 25 विषयांची पुस्तके चक्क! English व scientific मराठीमध्ये लिहिली. त्याची छपाई करून महाराष्ट्रातील जवळपास 27 28 जिल्ह्यांमधील विद्यार्थी / प्राध्यापक यांचेपर्यंत पोहोचवली. 27 28 जिल्ह्यांमध्ये हा प्रवास मोटार सायकलने केला. प्रचंड संघर्ष केला, खर्च खूप होता आणि मिळणारे उत्पन्न कमी होते, मात्र न खचता, न डगमगता अखंड प्रवास चालू ठेवला. एकदा माझ्या मित्राने हि पुस्तके पाहिल्यावर त्याला खूपच अभिमान वाटला व त्याने इ. 1 ली ते 12 वी पर्यंतची पुस्तके काढण्याचा सल्ला दिला. बऱ्याच जिल्ह्यातील शिक्षक, प्राचार्य यांचे मत घेऊन. 2019 ला डिप्लोमा इंजिनिअरिंग च्या पुस्तकांचे लिखान थांबवून इ. 11 वी/ 12 वी (सायन्स) ची Physics, Chemistry, Biology व Mathematics ह्या पुस्तकांचे लिखान दोन भाषेत करून ती प्रकाशित केली. Science शाखेमध्ये प्राध्यापक व विद्यार्थी यांचा प्रचंड प्रतिसाद मिळाला आणि शाळेतूनच सल्ला मिळाला कि, 8 वी ते 10 वी (सेमी माध्यम) ची पुस्तके काढावीत आणि मग लेखणी सेमी माध्यमकडे वळली, त्यानंतर नवीन अभ्यासक्रमानुसार 8 ते 10 वी (सेमी माध्यम) व 11/ 12 वी science च्या पुस्तकांची निर्मिती केली. 2020 व 2021 मध्ये कोरोनाचा काळ होता, त्या काळात पुस्तकांचे लिखान चालूच ठेवले. शाळा बंद असल्याने ते शाळांपर्यंत पोहोचवता आले नाही. शैक्षणिक वर्ष 2022 पासुन मात्र विद्यार्थ्यांच्या प्रचंड प्रतिसादामुळे हि पुस्तके महाराष्ट्रातील जवळपास 15 जिल्ह्यांमध्ये पोहचवता आली. सुरुवातीचा काळ प्रचंड संघर्षाचा होता, छपाई साठी पुरेसे पैसे नसल्याने, मार्केटिंगसाठी चांगल्या गाड्या नसल्याने पुरवठा वेळेत होत नव्हता. आत्ता परिस्थिती बदलली, पुस्तकांमधुन मिळालेल्या पैशातून चांगले गोडाऊन बांधता आले, गाड्या मिळाल्या. एक गोष्ट नक्की समजली ... काही झालं तरी थांबायचं नाही, काम करत राहायचं. अविरत पुस्तक लिहित राहिलो ... विद्यार्थ्यांचे समाधान झाले, त्यांच्या आनंदी चेहऱ्यातून प्रेरणा मिळत गेली, लेखणी अजूनही थांबली नाही. दरम्यानच्या काळात आपली हि पुस्तके शासन दरबारी न्यावीत म्हणून तत्कालीन शिक्षणमंत्री मा. ना. विनोद तावडे साहेब यांचेकडून पाठीवर कौतुकाची थाप मिळाली, प्रोत्साहन मिळाले. त्यानंतर शिक्षणमंत्री मा. ना. दिपक केसरकर साहेब, शिक्षणमंत्री मा. ना. दादाजी भुसे साहेब, उद्योग व मराठी भाषा मंत्री मा. ना. उदयजी सामंत साहेब यांचेकडून शाबासकी मिळाली. महाराष्ट्र राज्य पाठ्यपुस्तक निर्मिती व संशोधन मंडळ, पुणे चे तत्कालीन संचालक मा. अमोल येडगे साहेब यांनीही ग्रामीण भागातील विद्यार्थ्यांना हि पुस्तके किती चांगली आहेत, त्याबद्दल मार्गदर्शन करून प्रोत्साहन दिले. MHT CET मध्ये लाखो विद्यार्थ्यांना प्रश्नाचा अर्थ समजत नसल्याने विद्यार्थ्यांना योग्य Answer पर्यंत पोहचता येत नव्हते. ज्ञानदा प्रकाशनच्या माध्यमातून Physics, Chemistry, Biology व Mathematics ह्या विषयांचे जवळपास 5000 पेक्षा जास्त MCQ's चे English mix - मराठी मध्ये अर्थ देऊन त्याचा कोणता option बरोबर आहे, त्याचे explanation सुद्धा English mix मराठी मध्ये लिहून प्रकाशित करण्याचा बहुमान महाराष्ट्रात प्रथमच मिळवला. हि पुस्तके लिहिताना रात्रीचा दिवस केला. कधी कधी रात्रभर काम केले, सुट्टी घेतली नाही. कार्यक्रम, मनोरंजन ला कमी वेळ दिला. कारण त्याग केल्याशिवाय कोणतेही काम निश्चित ध्येयापर्यंत पोहचत नाही. आत्ता New Education Policy - (NEP) नविन शैक्षणिक धोरण आले आहे. इ. 1 ली ते 12 वी चा नविन अभ्यासक्रम येत आहे. शिक्षक विद्यार्थ्यांचा प्रचंड उत्साह आहे, ह्या पुस्तकांची मागणीही आहे. त्यामुळे पुन्हा नव्या जोमाने व त्याच उत्साहात सर्व विषयांची पुस्तके, एक आदर्श ज्ञान घेऊन ... नवी आदर्श पिढी घडविण्यासाठी सज्ज आहे. मला माहित आहे की, ज्ञानाची हि गंगा अखंड वाहत होती, वाहत आहे आणि अखंडपणे ती वाहत राहणार आहे, मात्र ज्ञानगंगेच्या ह्या प्रवाहाचा एक भाग मला होता आलं, हे मी माझं भाग्य समजतो. शेवटी दासबोधामध्ये समर्थ रामदास स्वामींनी सांगितले आहे की,